Hindi bababa sa sampu ang nasawi sa katimugang estado ng Rio Grande do Sul ng Brazil dahil sa malawakang pagbaha matapos ang malalakas na pag-ulan ngayong linggo.
Habang dalawamput isang indibidwal naman ang naiulat na patuloy na nawawala.
Sa isang press conference, sinabi ni state governor Eduardo Leite na nakipag-usap na siya kay President Luiz Inacio Lula da Silva para humingi ng federal assistance.
Nakatakda namang bisitahin ng Pangulo ang Rio Grande do Sul ngayong araw.