Ginpatawag it Kalibo MPS ro 11 ka mga tricycle drivers nga biyaheng Kalibo kaangot sa pagbalibad segun it mga raya nga pasakyon ro sangka PWD.
Matandaan nga nagreklamo ro PWD sa Kalibo police bangud sa pagbalewala kana it pilang tricycle nga anang ginaparahan agud sumakay.
Ginpiktyuran it PWD ro body number it mga tricycle nga nagbalibad segun kana nga magpasakay ag gin-report sa pulis.
Samtang, sambilog sa mga ginareklamong tricycle driver nga si Arnold Gonzales ro nagklaro it anang parte sa Brigada News FM Kalibo.
Gin-insister kara nga owa nana napan uhan ro nasambit nga PWD ag kung napan-uhan segun nana hay siguradong pasakyon nana raya.
Nag agto si Mr. Gonzales sa Kalibo MPS para klaruhon nga owa nana napan uhan nga nagpara ro nasambit nga PWD. // ANN DESLENE SALAZAR