ILOILO – Kapin sa 1,100 nga mga benepisyaryo halin sa ap-at nga banwa sa probinsiya it Iloilo ro nakabatun it Livelihood Assistance Grant (LAG) sa idaeum it Sustainable Livelihood Program it DSWD 6.
Base sa DSWD-6, napabahin sa informal sector ro mga benepisyaryo ag kaabuan kanda hay kaeakip sa maisut nga negosyo o enterprises nga naapektuhan ro pangabuhian sa implementasyon it community quarantine bangud sa covid-19 pandemic.
Kaeakip sa mga nakabatun ro mga graduated household it Pantawid Pamilyang Pilipino Program (4Ps).
Nagabalor it P5.5 million ro LAG nga gin-release it ahensiya. / ANN DESLENE SALAZAR