NAGPASALAMAT ang laing 122 ka mga miyembro sa KaBrigadahan GenSan human nga sila ang natabangan sa ilang isig ka miyembro niadtong Sabado.
Mokabat sa sobra P400,000 ang natigom aron nga bahinon sa mga nanginahanglan og tabang alang sa pampaospital, tambal, pagpalubong ug uban pa.
Silang Brigada Dave Amor ug Brigada Pharmacy Incorporated Pres. Ymeir Shann Catulpos ang nag-abi abi sa tulo ka mga natabangan ug naghinabi sa duruha asa hugot nagpasalamat sa ilang mga miyembvo.
Lakip nga ilang gipasalamatan si Brigada Elmer V.Catulpos, asa duha kanila nag-ampo nga kini ang mahimong sunod nga mayor sa GenSan aron nga dili lang nilibo apan ang tibuok syudad ang matabangan.
Ang tulo nga nagpasalamat personal pinaagi sa 89.5 Brigada News FM mao silang Margie Pelonita, usa ka inahan sa 4-anyos nga bata nga napaakan og iro ug kinahanglan ang maturukan og anti-rabies.
Nagpasalamatan usab si Ester Cabatan, 69-anyos nga nag-antos sa asthma ug kinahanglan ang nebulizer aron dili na makahulam sa silingan ug si Nonito Luzara, 69-anyos nga namatayan og apo.
Sa featured case nga usa ka 18-anyos nga kinahanglang ma-operahan aron makalakaw na og tarong tungod sa problema sa spinal cord, mapasalamaton usab si Lorna Perono, inahan sa maong batan-on, asa natigom ang sobra sa P7,000 nga gikan sa mga miyembro ug dili mga miyembro sa KaBrigadahan.