MIBALIK na subli ang biyahe gikan sa Probinsiya sa Camiguin ngadto sa Probinsiya sa Bohol Vice versa sugod karong adlawa Marso 28 tuig 2022.
Opisyal kanang gipagula nga impormasyon ni Gobernador Jurdin Jesus ‘JJ’ Romualdo pinaagi usab sa pormal nga pagpangayo og panugot gikan sa Asian Marine Transport Corporation.
Diin sugod karong adlawa Lunes ang MV Super Shuttle Ferry 28 mag sugod ang pagbiyahe sa schedule nga alas 8:00 sa buntag gikan sa Balbagon Port, Mambajao ug gikatakdang modangat kini sa Jagna Port, Bohol sa alas 11:30 sa buntag pagka ala-1 sa hapon mobalik na usab kini pa Camiguin nga adunay estimated arrival time nga alas 4:30 sa hapon.
Ang schedule sa maong Barko Lunes, Merkules ug Biyernes matag semana.
Hisayrang na-undang ang biyahe sa maong rota gumikan sa Community restrictions batok sa bahad nga dala sa Covid-19 pandemic. – END – (AD)