800 ka mga indibidwal ukon 140 ka mga pamilya ang temporaryo nga nagbiya sa ila mga puluy-an matapos sang nagluntad nga encouter sa Sitio Tiyos
Barangay Quintin Remo, banwa sang Moises Padilla alas 3:40 kahapon sang hapon, Nobyembre 3.
Suno sa kay Police Major Randy Babor, hepe sang Moises Padilla Municipal Police Station nga 100 ka pamilya ang yara karon sa mga evacuation centers
sa Sitio Napuruhan, 29 sa Sitio Nabataan kag 13 ka pamilya sa Sitio Uway-uway lunsay nasakpan sang Brgy. Quintin Remo.
Dugang pa ni Babor nga padayon pa sa karon ang clearing operation sang mga militar rason ng indi pa makabalik ang mga residente sa ila mga puluy-an.
Naka heightened alert status man sa karon ang Moises Padilla PNP pati na ang Isabela kag La Castellana PNP sandig sa mandu ni Negros Occidental Police
Provincial Office Director Colonel Romy Palgue sa posible nga pagpang-atake sang mga rebeldeng New People’s Army.
Ginkompirmar man ni NOCCPO spokesperson Lt. Abegael Donasco nga ginbutang sa heightened alert status ang 3 ka munisipalidad kag ila man gina implementar
ang station defense plan sa bilog nga probinsiya.
Sa interview sang Brigada News FM- Bacolod sa kay 3rd Infantry Division sang Philippine Army Major General Benedict Arevalo nga may 2 nga napatay ka
katapo sang 62nd Infantry Batallion kag 4 ang nasamaran matapos nga maenkwentro ang indi magnubo sa 25 ka mga katapo sang NPA.
Ginsiling man sang heneral nga may 4 ka mga NPA ang napatay sa nagluntad nga encounter.