CEBU -Mokabat sa 14,000 ka mga kaso sa drugas ang napasaka sa mga korte sa Sugbo sukad niadtong 2016.
Matud ni Col. Ireneo Dalogdog, Cebu City police director, base sa Crime Information Reporting and Analysis System, 0.28% lang o 39 sa 13,718 ka kaso sa drugas nga napasaka ang nabasura sa korte.
Nagpasabot kini nga maayo ang pagdumala sa mga operatiba sa kapulisan sa ubang kaso sa drugas.
Kadaghanan niini nga mga kaso pending pa.
Gidugang ni Dalogdog nga gawas sa periodic case reviews, ang local police officers hugot nga nakig-alayon sa drug court judges, prosecutors, ug mga abogado ubos sa Cebu City Justice Zone project, aron maseguro nga ang mga kasong kriminal nga gipasaka sa korte mapadayon sumala sa natukod nga mga lagda.///