KORONADAL CITY- DALAWANG mga dating miyembro ng Communist Terrorist Groups (CTG) ang sumuko at bumalik sa hanay ng gobyerno sa Sitio Lower Salban, Barangay Ned, Lake Sebu, South Cotabato noong nakaraang linggo.
Ayon sa 5th Special Forces Battalion na ang mga ito ay kasapi ng Guerilla Front Musa, Far Southern Mindanao Region.
Bitbit ng mga ito sa kanilang pagsuko ang mga high-powered firearms katulad ng grenade launcher, Garand rifle, carbine, at mga claymore-type improvised explosive devices.
Ngayong quarter lamang, 10 mga dating NPA combatants na ang sumuko sa 5th Special Forces Battalion.
Ang sunud-sunod na pagsuko ng mga rebelde ay dahil sa pinaigting na implementasyon ng Executive Order No. 70 ni Presidente Rodrigo Duterte sa ilalim ng National Task Force Ending Local Communist Armed Conflict (NTF-ELCAC) partikular na ang delivery ng basic at social services sa mga conflict-affected areas.
