Totally burned ang duha ka puluy-an matapos ang nagluntad nga sunog sa Barangay Tinaytayan, Dumarao, Capiz pasado alas 4:00 kaina sang aga, Hunyo 28.
Ginkilala ang mga tag-iya sang balay nga sanday Nona Carlete kag Jose Chiva.
Sa interview sang Brigada News FM kay FO1 Joseph Magallon sang BFP-Dumarao, ginapahayag sini nga gin-ubos gid tupok sang kalayo ang duha ka balay nga human sa light materials.
Ginabanta nga nagalab-ot sa mas o menus P255,000 ang nangin kahalitan sang sunog.
Sa karon, padayon pa ang imbestigasyon sang BFP-Dumarao agud matumod ang gintunaan sang nasambit nga insidente. | Judy Ann Juare