TANGGONG sa Makar police station ang duha ka dinakpan sa iligal nga sabong.
Alas 11:40 sa buntag dihang girespondihan sa kapulisan ang grupo sa mga indibidwal nga nagtari sa may Prk. Ybanez, Barangay Labangal.
Naaktohan sa kapulisan ang duha ka lalaki nga maoy nalambigit sa tari-tari nga naila nga silang Virgillo Monares, 42-anyos, minyo, usa ka plumber ug Roel Ybanez Tadar, 40- anyos, minyo, construction worker ug pulos lumulopyo sa nahisgotan nga lugar.
Narekober gikan sa mga dinakpan ang duha ka igtatari nga manok, ug P200.00 pesos nga bet money. Ang kasong may kalapasan sa Presidential Decree no. 1602 ang giandam na sa kapulisan batok sa mga nasampit nga dinakpan.