GIKUMPIRMA sa tigpamaba sa Office of the Senior Citizen Affairs kon OSCA nga magpatawag sila og panagtigom sa mga etablishment ug mga botika aron nga ipaabot ang FDA advisory no. 2014-054 kalabot sa over the counter nga pagpalit og mga medisina sa mga senior citizen.
Sigun ni Celso Mendoza nga ipaabot niini sa 26 ka mga barangay aron nga masayod ang tanan kon pananglitan nga dili motugot ang establishemento sa pagpalit sa edaran og tambal nga walay resita alang sa maong diskwento.
Gihingusgan niini nga sa iyang nasayran sa dakbayan ug sa tibuok nasud ang unang ginapangita sa parmasya ug tigbaligya og tambal ang resita sa doktor maong gikinahanglan nga masayran sa mga senior citizen ug sa mga nagabaligya ang may kalabotan sa maong advisory.
Si Liklik Salazar nga usa ka senior citizen ang hilabihan nga nakadayeg sa maong advisory tungod kay sa iyang nasinatian kanunay kining ginapangitaan og resita sa panahon nga siya ang mupalit og tambal.
Dugang pa sa nahisgotan nga base usab sa iyang nasinatian nagapila usahay ang mga senior citizen sa botika tungod sa kadugay sa pagtan-aw ug sa pag-inspeksyon sa resita maong nalipay kini sa maong katikaran.
Ang resita, naka-depende sa tambal nga paliton apan ang pag-avail sa diskwento magamit sa mga senior citizen may resita o wala. Danny Casi