Gipangunayan pag-anhe ni DSWD Secretary Rex Gatchalian ang pag-anhi sa Misamis Occidental, aron mang apod-apod sa katawhan sa Emergency Cash Transfer ngadto sa mga pamilyang apektado sa shear-line sa probinsya sa Misamis Occidental niadtong Sabado, Hunyo 17, 2023.
Diin, 4,194 ka mga benepisyaryo ang nahatagan sa may BayFront Arena nga naglangkob sa Oroquieta City nga adunay 1,304, Panaon nga adunay 328, Jimenez nga adunay 994, Baliangao nga adunay 295, Aloran nga adunay 387, Plaridel nga adunay 291, Concepcion, Lopez Jaena nga adunay 298, ug lain pang 1,972 ka mga benepisyaryo nga nahatagan sa Municipal Gymnasium, Tudela, diin gilangkuban kini sa sa Ozamiz City nga adunay 785, Tudela nga adunay 146, Sinacaban nga adunay 496, ug Clarin nga adunay 545.
Samtang, 6166 ang kinatibuk-ang ihap sa mga benepisyaryo nga nakadawat og 13,680 ubos sa ECT program sa gipahigayon nga Emergency Cash Transfer, sa probinsya sa Misamis Occidental.//END