KALIBO, AKLAN—Kaabuan sa mga namatay sa COVID-19 hay mga senior citizen nga owa pa nabakunahan.
Suno kay Dr. Leslie Ann Luces it Provincial Health Office (PHO) Aklan, nagaabot sa 65% do mga pasyenteng namatay sa COVID-19 infection sa Dr. Rafael S. Tumbokon Memorial Hospital hay halin sa populasyon it mga senior citizen nga unvaccinated.
May kaangtanan kara, nagpanawagan do Provincial Government it Aklan sa mga senior citizens nga owa pa nabakunahan nga magparehistro kadungan sa pagpasiguro nga pagataw-an it prayoridad do mga raya para sa andang COVID-19 vaccination.
Samtang, as of August 26, 2021, do probinsya it Aklan hay may una nga kabilugan nga kaso nga nagaabot sa 11,502, may 10,442 total recoveries ag 286 COVID-19 related deaths. // SHERRY ANNE REUNIR-VIDAL