Ro food insecurity hay nagapabilin nga alarming concern ag napabahin kara ro pilang barangay sa banwa it Kalibo base sa ginpresenta nga data it 2022 Community-Based Monitoring System (CBMS) it PSA-Aklan.
Base sa CBMS, nagaguwa nga halin it July 1, 2021 to June 30, 2022, kapin sa 44.8% ro nagpaabot nga naga problema sanda bangud owa sanda it makaun sa sang adlaw.
7.9 percent sa mga households hay owa it makaun, samtang 2.9% ro naghambae nga nagutom sanda pero owa it makaun ag 1.1% ro owa it nakaun sa sang adlaw.
Ro mga barangay sa Kalibo nga naghambae nga naka eksperiensya sanda nga owa it makaun hay ro Bakhaw Sur, Andagao, New Buswang, Tigayon, Linabuan Norte, Tinigao ag Mobo.
Ro rasun it mga raya hay owa it kwarta ag pangita para nga ibakae it pagkaun.
Samtang, pag abot sa safety and security statistics, 96.7 percent ro naghambae nga kampante sanda nga magtikang isaea sa andang komunidad bangud salbar segun ro andang palibot. // ANN DESLENE SALAZAR