Miabot na sa Polomolok, South Cotabato ang 1,170 vials sa Pfizer BioNTech nga COVID-19 vaccine.
Segun sa Department of Health kun DOH region-12 nga unom ka doses ang sulod sa usa ka vial sa maong bakuna o anaa sa 7,020 doses ang nadawat sa LGU-Polomolok.
Butyag sa DOH-12 itagana ang maong mga bakuna alang sa mga residente sa Polomolok labi na sa mga senior citizens ug uban pa nga anaa sa priority groups.
Ang maong alokasyon sa bakuna ang alang sa duha ka doses sa 3,510 ka mga residente sa Polomolok.
Matud sa DOH-12 nga kini ang pinakaunang Pfizer vaccine delivery sa Polomolok human nakakuha ang lungsod og 150,000 dose capacity sa ultra low temperature freezer o ULF sa tabang sa kompanyang Dole Philippines.