Ginpasaeamatan ni Governor Joen Miraflores ro mga empleyado it provincial government sa sinsero nga pagserbisyo ku mga raya halin kato ag nagpasaeamat man imaw sa suporta kana sa kakatapos nga eleksyon.
Raya ro naging mensahe ni Miraflores sa pagtambong kara kainang agahun sa anang pinaka-unang Flag Raising ceremony bilang gobernador it probinsya it Aklan.
Suno pa kay Gov. Miraflores, ro anang pagpamuno ag pagkabig sa mga empleyado hay sangka pamilya nga bisan bukon it perpekto hay una gihapon ro pagpalangga it sangka ama para sa tanan.
Pagatinguhaon segun nana nga maging malipayon ro tanan.
Inako man ni Gov. Miraflores nga malisud ro anang handum pero anang pagatinguhaon agud mapanami ag mapabaskug ro working relationship it tanan nga empleyado it provincial government. / ANN DESLENE SALAZAR