LEGAZPI CITY – May exemption man giraray su boot an face-to-face classes suspension advisory na ibinaba kan Albay PDRRMC katakod kan namamateang init kan panahon dara kan halangkaw na heat index segun sa Albay Public Information Office.
Sa intrevista kan Brigada News FM Legazpi kay Public Information Officer Lorena Quising, sinabi niya na naobserbaran nindang may mga eskwelahan na dai nagsuspinder ki face-to-face classes orog na itong may mga air-conditioned rooms.
Segun saiya, nasa discretion man ini kan lambang eskwelahan alagad an suspension ki face-to-face classes, iyo an advise kan PDRRMC.
Pagirumdom ni Quising sa gabos, magtenir na sana sa laog kan harong kun wara man ki importanteng gigubuhon o dumanon sa luwas, asin stay hydrated.