Ipalab-ot sang mga miyembro sang Alliance of Concern Teachers ACT ang ila hibubun-ot sa Department of Education pinaagi sa nationwide mass protest sa maabot nga Nobyembre 26 kag pagatwgon nga “Pambansang Araw ng Paniningil sa DepEd para sa Overtime Pay nga mga guro”.
Suno sa kay ACT NCR Union secretary Ruby Bernardo nga kabahin sang ila ginapangyo sa gobyerno ang pagupgrade sang salary grade sang mga teacher 1 sa salary grade 15, overtime pay para sa 77 days service credits kag 25% premium pay para sa nagsobra nga number days of work nagligad tuig 2020 bangud sang distance learning modality nga programa sang DepEd agud makapadayon sa pagtuon ang mga estudyante apisar sang Covid-19 pandemic.
Ila man ipalab-ot ang ginapangayo sang mga manunudlo nga laptop para magamit sa mga online classes kag 1,500 pesos nga monthly allowance para pambayad sa ila nga internet connection.
Dugang pa ni Bernardo nga bangud man sang pandemic, ini nagtuga sang pagmahal sang mga balaklon rason nga ila pangayuon sa gobyerno ang dugang nga 3,000 pesos bilang inflation adjustment allowance.
Ila man ginahingyo sa DepEd ang 10,000 tax free election service para sa mga manunudlo nga magaserbiosyo sa maabot nga May 2022 elections.
Pahayag naman ni ACT Negros Union Vice Chairperson Richard Gelangrenga may nakapreparar man sila nga programa sa Nobyembre 26 agud ipalab-ot ang ini nga mga ginapangayo sang mga manunudlo bangud bisan inugbakal sang bondpaper para printahan sang modules sang mga estudyante ang nagahalin pa sa ila nga bulsa.
Pahayag ma ni Gelangre nga mas nagdamo ang ulobrahon sang mga manunudlo sini nga pandemic kag may nagkalamatay man sa ila hanay diri sa Negros Occidental tuga sang Covid-19.