Boluntaryo nga nagsungka ang anay miyembro sang communist terrorist group (CTG) kag wanted sa kaso nga rebellion sa Tapaz Municipal Police Station.
Ginkilala ang akusado kay Leonel Caro alyas ‘Ka Ladin’, 38-anyos, residente sang Barangay Roosevelt, Tapaz kag nagaserbe nga anay squad member sang Igabon Platoon, CFC KR Panay sa idalum sang Francisco Balois alyas ‘Ka Tonying’ command humalin 2011-2014.
Ang warrant of arrest gin-isyu kag pirmado ni Honorable Judge Daniel Antonio Gerardo Amular, RTC 6, Branch 21, Mambusao, Capiz napetsahan Oktubre 2, 2014 kag may piyansa nga nagdangat sa P40,000 para sa iya temporaryo nga kahilwayan.
Ginsurender man ni Caro ang isa ka unit sang pistolized 12 gauge home made shot gun kag may duha ka bala.
Sa karon, nagapabilin ini sa kostudiya sang Tapaz PNP para sa nagakaigo nga disposisyon. | KMD Gicalde