LEGAZPI CITY – Reported damages sa agriculture sector pa man sana su boot an nareresibe kan Albay Provincial Agricultures Office (APAO) katakod kan epekto kan grabeng init kan panahon.
Kinumpirmar ini ni Albay Public Safety and Emergency Management Office (APSEMO) head Dr. Cedric Daep sa intrevista kan Brigada News FM Legazpi.
Sinabi kaini na kun pag-abot sa reporting, on time an mga ini sa pagsusumiter alagad reported pa man sana.
Segun saiya, an kaipuhan ninda iyo an validated damage report nganing wara ki magin bayolasyon sa Republic Act No. 10121 o an Philippine Disaster Risk Reduction and Management Act of 2010.
Kun wara su boot ki mangyayaring validation sa probinsya, masunod an Department of Agriculture (DA) Central Office sa saindang standard computation kan potential damage sa ektarya, alagad depende sa growing stage kan mga tanom.
Dugang pa ni Daep, matao ki asistensya an DA, may danyos man o wara; apwera digdi, igwa man nin pondo sa ayuda an Provincial Government, alagad dapat siyertuhon munang validated an reports.