America— Mahilig ka bang mangolekta ng mga manika? Hanggang saan aabot ang pagkahiig mo sa mga ito? Isa kasing 23-anyos na babae sa Fall River, Massachusetts ang hindi lang nangolekta kundi inibig din at pinakasalan pa ang isa sakanyang alagang zombie doll.
Ayon kay Felicity Ann Kadlec-Rossi, bata pa lamang siya ay napukaw na ang kanyang interes sa mga manika kaya naman habang lumalaki ay sinimulan na niya ang kanyang pangongolekta ng hindi lang basta ordinaryong mga manika kundi mga “zombie dolls.”
Edad 13-anyos nang siya ay regaluhan ng kanyang ama ng manika at ayon kay Felicity, 16-anyos siya nang magsimulang umibig sakanyang zombie doll.
Inabot ng $500 o P25,000 ang kanyang ginastos sa pagpapakasal sa alagang manika na dinaluhan ng walo pa niyang zombie dolls, ilang kaibigan at mga kamag anak.
Si Felicity ay nakilala rin matapos niyang ilathala noong 2016 ang adult zombie fiction na librong may pamagat na “Zombieblood.” || BNFM BICOL