Nakadawat na ang frontliners sa Mactan-Cebu International Airport kon MCIA sa first doses sa COVID-19 vaccines.
Kini isip kabahin sa pasalig sa Mactan Airport nga isiguro ang health and safety sa mga staff ug mga pasahero.
Nahimo kini pinaagi sa pagtambayayong sa Mayor sa Lapu-Lapu ubos sa Ahong Cares Program, Department of Health-Central Visayas, City Tourism Cultural and Historical Affairs Commission ubos sa pagpangulo ni Cindi King-Chan, ug City Health Office.
Matud ni Louie Ferrer, presidente sa GMR Megawide Cebu Airport Corporation, nga taliwala sa pandemya nagpadayon ang pagpanawat og pasahero sa MCIA ilabi na ang mga OFW mao nga ang pagbakuna kanila maoy usa sa mga pamaagi aron madugangan ang proteksiyon batok sa COVID-19.