Nagreklamo sa Kalibo MPS ro sangka babaye matapos segun nga habyon ro bubong it andang baeay ku nagtaliwan nga gabii iya sa Kalibo.
Base sa reklamo sa pulis it owa eon ginpangaeanan nga complainant, nabatian nanda ro mabaskug nga eagabong sa andang bubong.
Kat gumuwa segun imaw sa andang baeay hay nakita nana ro suspek nga hilong ag may daeang kutsilyo.
Bangud sa kahadlok hay bumalik imaw sa sueod it andang baeay pero ginhaboy gihapon andang baeay it suspek.
Ginpakamayad eon lang nga irefer sa barangay justice ro nasambit nga kaso. // ANN DESLENE SALAZAR