CAMARINES SUR- Gumuho ang bahagi ng lupa na siyang pundasyon ng kalsada sa Haguimit Lupi, Camarines Sur bandang alas 9:30 ng umaga nitong Martes dahil sa ulan na epekto ng Shearline.
Sa panayam ng Brigada News FM Naga kay MDRRM Garry Cruz, sinabi nitong halos tuloy-tuloy kasi nag pag-uulan kahapon. Isinara ang bahagi ng kalsada dahil delikado sa mga daraang sasakyan patungo sa sentro ng bayan.
Samantala, hindi rin nadaaanan kahapon ang Poblacion- Barrera Jr. Spillway – Poblacion- San Pedro Spillway, Polantuna- San Jose Spillway. Pinag iingat ng MDRRM ang publiko sa posibleng epekto ng binabantayang sama ng panahon.