Totally burned ang isa ka puluy-an matapos gintupok sang kalayo sa Sto. Niño, Banica, Roxas City takna alas 2:00 subong nga hapon sang Martes.
Nahibaluan nga ang balay nga nasunog ang ginapanag-iyahan sang Cong. Ramon A. Arnaldo High Scool apang gina-istaran sang maglive-in partner nga sanday Jed Ventura, tumandok sang Negros occidental, utility sa nasambit nga eskwelahan kag Evelyn Bartolo, nga residente naman sa syudad sang Roxas.
Sa interview sang Brigada News FM kay Evelyn, takna alas 10:00 kaina sang aga, naglakat siya agud magpadulong sa iya trabaho.
Gintuad man sini nga naka-off tanan ang switch sang ila kuryente kag wala man sang nakasaksak sa ila mga outlet sang siya ang naghalin sa ila puluy-an.
Ginpahayag ni Evelyn, nga antes paman natabo ang sunog, nagpanawag sa iya si Jed kag nagsiling nga base masunog ang ila balay bangud sa tuman nga kainit sang tyempo.
Dugang pa sini nga ginkakibot nalang sang ila kasilingan nga nagdaba-daba na ang kalayo sa ila balay.
Wala gid sang gamit nga nasalbar ang maglive-in partner sa amo nga sunog.
Sa karon, padayon pa ang imbestigasyon sang katapo sang BFP-Roxas City agud matumod ang gintunaan kag kun pila ang nangin kahalitan sang sunog. | Judy Ann Juare