BANGA, AKLAN—Ginpasarado it daywang adlaw do munisipyo it Banga, Aklan umpisa makarung adlaw hasta hin-aga (May 25, 2021) matapos nga magpositibo sa coronavirus disease 2019 (COVID-19) do sangka empleyado it Mayor’s office.
Ginpaidaeom man sa swab test do tanan nga empleyado sa taeatapan it alkalde at magapatigayon it disinfection.
Nauna eon nga ginpasara do Accounting ag Assessor’s office bangud nga may pilang empleyado man do nakaangkon it exposure sa sangka confirmed case.
Samtang, ginpaidaeom man sa granular lockdown do Brgy. Palale, Banga matapos nga umabot sa 13 do mga residente nga nagpositibo sa deadly virus.
As of May 24,2021, do banwa it Banga hay nagapangatlo sa may pinakamataas nga kaso it COVID-19 sa Aklan nga nagaabot sa 191 kung siin 49 pa kara do aktibong kaso at ap-at do namatay matapos iguan it deadly virus. // SHERRY ANNE REUNIR-VIDAL