NAGAPILA gihapon ang daghang katawhan sa vaccination site sa ikatulong adlaw sa National Vaccination Day usa niini sa Barangay San Isidro, General Santos City.
Sayo pa sa buntag sa wala pa ang mga tigturok nagpila na ang mga katawhan sa gawas sa Barangay Hall, adunay duha ka pila, usa alang sa mga kabataan ug usa sa mga hamtong na ,samtang sa sulod nga bahin, gilahi ang mga lingkuranan alang sa mga prioroty nga mga senior citizens ug mga minors, mga mabdos og Person With Disability kon PWDs.
Gipangunahan sa chairperson sa komiteba sa maayong panglawas ang pagdumala sa kahapsay kuyog ang mga tanod.
Sumala ni Sotto nga anaa sa 1,600 matag adlaw ang ilang quota ug sa unang adlaw nakaabot sila sa 1,400 ug 1,300 sa ikaduhang adlaw, samtang sa ikatulong adlaw hangtud alas 5 sa hapon ang pagpabakuna sa San Isidro.
Sa bana-bana ni Sotto anaa na sa 50 porsyento na ang nabakunahan sa San Isidro ug ginapanawagan niini ang wala pa nabakunahan nga magpabakuna na sa mga regular nga vaccination sites sa syudad.
Samtang ang mga kabataan nga nagpila nibati usab og gamay nga kakuyaw apan nakumbinsi sila sa ilang ginikanan nga magpabakuna kay kon mag face to face na angkKlase mas pabor sa nabakunahan na.
Sumala kay Margie Rapayla, iyaha gayod gikumbensi ang iyang anak unya gidala usab ang iyang pag-umangkon sa pagtugot sa inahan nga atoa sa abroad.
Samtang si Jocelyn Arca, gikumbensi ang anak nga 14-anyos nga magpabakuna gayod isip pagpanagana sa kaugalingon. ( Ver Diazon)