GITUGOTAN na sa General Santos City ang mga bata nga mosulod sa mga mall ilawom sa General Community Quarantine (GCQ). Ang pagtanggal sa temporaryong pag-ban, ang resulta sa pandemya nga dala sa Covid-19 gikan atong Marso 2020.
Sa SM-GenSan, gikalingawan sa mga bata ang higante nga Christmas tree nga gi-install sa mall. Matud ni Mark Vincent Cordero,SM-GenSan Public Relation Officer, sa subling pag-welcome sa mga bata human ang halos duha katuig. Gipangandaman nila ang hugot nga pagpatuman sa health protocols sama sa pagbutang og signages.
Gibutyag ni Jcob, 6-anyos nga una niyang gipangeta ang dulaan gumikan sa kadugay niining wala katamak sa malls. Kahibaloan nga nagpagawas og mandu ang LGU nga gitugotan na nila ang mga bata sa pagsulod sa mga malls dungan sa pag-ubos sa kaso sa virus sa dakbayan. ( Richel Gubalani)