MOKABAT sa 60% ang kinatibuk-ang ‘young Filipino’ registered voters nga mohatag og ‘difference’ sa national ug local election. Matud ni Atty. Sittie Papandayan- Garangan, election officer sa Commission on Election (Comelec) sa GenSan.
Makita sumala pa sa maong datus base sa ulang voters registration ang kung kunsa ka importante ang ‘youth vote’ sa taliabot nga eleksyon. Sa datus, misaka ang total registered voters sa gikan sa 301,000 atong 2019 election karon naa na sa 353,194. Gawas sa young ug first time voters, natala sa komisyon ang 40% nga transferee ug nagpa-corrtect og datus gikan sa total new voters.
Dugang ni Garangan, nakita nila ang kabubut-on sa mga nasangpit nga ma-exercise ang ilang katungod nga mopili og lider karong piniliay. Gikonsiderang youth vote ang naa sa 18-40 anyos ang age group.
Naglaom ang opisyal nga luyo sa Covid-19 pandemic ikonsidera sa mga botante ang eleksyon nga importante o ‘essential’. Aron moadto sa mga polling precinct aron moboto luyo sa unsa mang quarantine status. ( Richel Gubalani)