NAGPAHIMANGNO ang Bureau of Fire Protection (BFP) GenSan sa publiko sa paggamit og pyrotechnics o firecrackers.
Pipila ka adlaw bag-o ang pagsaulog sa kapaskohan ug pagsugat sa bag-ong tuig. Matud ni Senior Fire Officer 1 (SFO1) Allan Alfeche, information officer sa BFP-GenSan ilawom sa Republic Act 7183 dunay listahan gitugotang firecrackers ug pyrotechnics.
Ang maong balaud usab ang nagbutang og regulasyon ug control sa pagbaligya, pagdistribute ug paggamit sa pyrotechnics devices.
Ilawom usab sa balaud, gimanduan sila ug ang kapulisan nga inspeksyonon ang namaligya niini tumong limitahan ang paggamit sa firecrackers. Tumong masiguro ang kaluwasan sa publiko ug aron masiguro usab ang kahapsay ug kalinaw sa nasud atol sa holiday season.
Gawas niini, gipirmahan usab ni Pangulong Rodrigo Duterte atong Hunyo 20,2017 ang executive order 28 nga nagmandu sa pagbutang og regulasyon ug pagkontrola sa paggamit sa firecrackers ug pyrotechnics.
Unod mandu ngadto sa otoridad sa pagkumpiska ug pagguba sa gibawal nga firecrackers ug pyrotechnics. l Richel Gubalani