Nabiktima it “prank call” ru Bureau of Fire Protection (BFP)—Kalibo halin sa sangka eaeaki nga naga imporma nga may una sigun nga sunog sa Brgy. New Buswang, Kalibo, Aklan.
Sa report, daywang ka mga fire truck ru nag responde sa lugar apang pag-abot sa lugar hay uwa’t sunog nga natabo sa lugar.
Eagi man nga bumalik ru mga katapo’t BFP-Kalibo sa fire station ag gin double check ru numero nga gin gamit it suspek apang indi eon matawagan.
Nagpaandam ru BFP-Kalibo nga ingkasong ma identify ru naga paloko nga caller hay pweding kasuhan sa pag-eabag sa Fire Code of the Philippines ag maga pangatubang it P37,000.00 hasta P50,000.00 nga pinalidad.//MARIVIC Y. ILIN