Tumataas ang bilang ng mga namamatay sa dengue sa bayan ng Subic kung ikukumpara ito sa taong 2019 na nagkaroon ng outbreak.
Sa datos ng Municipal Health Office, mula January hanggang September 2021 ay mayroon ng labing tatlo ang namamatay, mas mataas ito kumpara sa walo lamang noong buong taon ng 2019.
Isa pa dito, ayon kay Municipal Health Officer Dr. Nadjimin Ngilay, mayroong gradual increase ng mga tinatamaan ng dengue sa Bgy. San Isidro, Pamatawan at Manganvaca.
Paalala pa rin sa mamamayan na palakasin ang resistensya, panatilihin ang manilis na paligid at magpakonsulta kaagad kung may maramdamang sintomas.//Jen Bayot-BNFM OLONGAPO
