Gikatakdang kasuhan ang lima ka drug suspek nga giaresto sa mga sakop sa Philippine Drug Enforcement Agency Regional Office XI ug National Bureau of Investigation SEMRO atol sa operasyon niadtong Biyernes sa hapon sa Kawayan Drive, Matina, Davao City.
Giila ni PDEA XI Regional Director Aileen Lovitos ang target sa operasyon nga si Manuel Antonio Severino alyas Roy 21 anyos, nag positibong napalitan og pakete sa gitoohang pinaugang dahon sa Marijuana.
Atol sa operasyon naabtan usab sa operatiba ang upat ka lalaki nga nag-pot session nga giilang sila si Lester Antonio, Sernie Antonio, John Ricar Ouano ug Ervin Felicilda samtang na-rescue ang usa ka minor de edad.
Nakumpiska gikan sa balay nga gihimong drug den ang dried leaves sa marijuana nga motimbang og 250 gramos mokantidad og
P30,000.00 ug ubang drug paraphernalia.
Ang mga suspek gipangpaslak sa bilangguan nga parehong mag-atubang sa kasong paglapas sa RA 9165.BNFM-DAVAO
