GIHANGYO sa labaw sa Archdiocese of Marbel nga si Bishop Cerillo Casicas si South Cotabato Governor Reynaldo Tamayo Jr. nga paboran ang kung unsa man ang pulso sa katawhan sa South Cotabato ug sikbit probinsya ilabi na ang pagsupak sa pag lift sa ban sa open mining.
Atol sa gihimong prayer caravan gipanawagan niini ang nahisgutang gobernador nga i-veto ang pag ban sa pag-lift ang amended Environmental Code gumikan sumala pa halos mga residente sa South Cotabato ug sikbit probinsya ang dili pabor niini. Angay matud pa sundon kung unsa ang angay ug kung unsa ang kamatuoran sa pagmina.
Angayan lang matud pang hunahunaon ang dili lang ang unsay kaayohan apan ang kung unsay gusto sa katawhan sa South Cotabato. Samtang gipasalamatan ni Bishop Casicas ang tanang mipartisipar ug mitambong sa ilang imbitasyon nga magpahigayon og panagtapok atubangan sa kapitolyo sa South Cotabato.
Samtang sa bahin usab sa mga lideres sa pro-mining ilang padayong gihingusgan nga kinahanglan tugutan sa gobernador ang open pit mining alang sa kalambuan sa probinysa. Apan sa bahin sa gobernador nga hatagan una siya og panahon aron desisyunan kung i-veto ang pag-lift sa open pit mining. I MJ Fernandez