Briton na may dalang halos 400 ATM cards, huli dahil sa mga kahina-hinalang transaksiyon sa bangko

Timbog ang isang British national matapos siyang magsagawa ng mga kahina-hinalang transaksiyon sa isang ATM booth sa Ermita, Maynila at nakuhaan pa ng halos 400 ATM cards na iba-iba ang pangalan.

Naaktuhan ang kahina-hinalang ginagawa ng suspek ng security guard ng bangko kaya dinala na ito sa Manila Police District headquarters.

Siniyasat ng mga awtoridad ang kaniyang bag sa presinto, kung saan nakuha ang halos 400 iba pang ATM.

Hindi na iniharap sa media ang suspek, na dumepensang pagmamay-ari ng kaniyang mga kaibigan ang samu’t saring ATM card.

Samantala, nakakulong na sa Manila Police District ang suspek.

Leave a Reply

Your email address will not be published. Required fields are marked *