Nagpahinumdom an Bangko Sentral ng Pilipinas (BSP) ha publiko nga magin wais ha panginano kontra ha mga peke nga kwarta labi na yana nga holiday season.
Subay ha BSP nga pananglitan makakarawat hin kwarta in pirmi ini ig-check kun tinuod ini o peke agud deri mabiktima han mga mayda magraot nga plano.
Igindugang pa han buhatan nga mayda mga security features an mga banknotes sugad hiton P1000 peso bill sanglit kinahanglan mapag-adman han mga katawhan kun ano an mga ini.
An 1000-Piso Polymer Banknote in mayda Polymer Substrate, Sampaguita Clear Window, Tactile Dots, Embossed Prints ngan Flying Eagle ngan pira pa nga features nga ini la an mayda.
Basar pa hiton pahayag han BSP nga an polymer banknotes in mas makuri subaron han mga scammers sanglit masayon la madetermina kun peke an kwarta o tinuod.