Itinanghal na Best Police Provincial Office for Police Community Relations CY 2021 ang Camarines Norte Police Provincial Office (CNPPO) sa pamumuno Provincial Director PCOL Julius Guadamor para sa 26th Police Community Relations Month Celebration na may temang “Pulisya at Pamayanan: BARANGAYinahan sa Hamon ng Pandemya at Laban sa Krimen”
Ang pagbibigay ng parangal ay ginanap nitong Hulyo 29, sa Camp Crame, Quezon City.
Panauhing pandangal sa nasabing aktibidad si DILG Secretary, Sec Eduardo Año kasama si CPNP PGEN GUILLERMO LORENZO T ELEAZAR at iba pang mga espesyal na panauhin.
Bukod sa National Award na natanggap ng CNPPO, nasungkit din ang parangal bilang Best PPO para sa Police Community Relations CY 2021 Regionwide na ginanap sa Culminating Activity noong Hulyo 26, sa Camp BGen Simeon A Ola, Legazpi City
Kasama sa mga parangal ang BEST SENIOR PCO na iginawad kay PLTCOL ROGELYN C PERATERO, Chief ng Provincial Community Affairs and Development Unit, PCMS MYRA RACHO, PCAD PNCO ng San Lorenzo Ruiz MPS bilang BEST SENIOR PNCO at ang Camarines Norte PNP Band bilang isa sa Top 3 Band sa ginanap na Bandshowdown thru FB Live noong Hulyo 19-23, 2021 na binansagang “Himig BARANGAYanihan sa Patuloy na Laban sa Pandemya at Krimen”.
(photo courtesy: CNPPO)
