KALIBO, AKLAN—Bangud sa padayon nga pagsaka it kaso it COVID-19 sa probinsya it Aklan, gintaw-an it bug-at it Department of Health (DOH) do importansya it pagpabaskog sa ginatawag nga 4-Door Strategy it gobyerno agud nga makontrol do pagkalat it coronavirus.
Do Door 1 strategy hay do pagpatuman it travel restrictions, Door 2 hay do pagpatuman it mas hugot nga screening, testing ag quarantine sa points of entry, Door 3 hay do pagpatupad it Prevent, Detect, Isolate, Treat and Reintegrate (PDITR) samtang do Door 4 hay do panawagan para sa mayad nga health ag critical capacity ag pagpatupad it sistema kontra sa posibleng surge agud nga maipadayon do pagtao it essential services.
Nasayuran nga sa pinakaulihing datos it Provincial Health Office (PHO) Aklan, do COVID infections hay madasig do pagsaka eabi eon sa capital town it Kalibo kung siin nakalista it 270 active case ag 61 deaths.
Do National Inter-Agency Task Force man for the Management of Emerging Infectious Diseases hay ginbutang do probinsya sa idaeom it general community quarantine with heightened restrictions hasta sa August 15, 2021. // SHERRY ANNE REUNIR-VIDAL