Gintugyan sang provincial government kaupod ang Department of Interior and Local Government (DILG) ang bulig pinansyal sa 5 ka anay rebelde nga nagbalik sa sabak sang gobyerno.
Nagdangat sa P65,000 ang pangkabilugan nga kantidad ang nabaton sang mga nagsurrender sa idalum sang E-CLIP program ukon Enhance Comprehensive Local Integration Program nga nagatuyo mabuligan ang mga kauturan nga gusto
magbalik sa gobyerno kag komunidad agud magpangabuhi sang malinong kag matawhay kaupod ang ila pamilya.
Ginpangunahan ni Capiz Governor Fredenil Castro ang nasambit nga distribusyon kaupod sanday DILG- Capiz Provincial Director Cherryl P. Tacda, PH Army BGEN. Michael Samson kag CPPO Provincial Director, PCOL Jerome Afuyog Jr.
Maluwas sa cash assistance, pagahatagan man sang trabaho sang provincial government ang mga ini agud sa ila nga pangabuy-anan.//KMD Gicalde