Ginreklamo sa Roxas City PNP ang 34-anyos nga lalaki matapos nga nagkalabuka ang mga bote sang ilimnon sa sulod sang isa ka convenience store sa Barangay 11, Roxas City.
Ginkilala ang ginareklamo kay Lorry Delfin, 24-anyos residente sang Barangay Bolo sining siyudad.
Base sa impormasyon nagikan sa Roxas Component City Police Station, ginapahayag nga nagpabalhag sa ila estasyon si Paulo Bared, residente sang barangay Liong, Cashier sang 24/7 nga convenient store matapos nagsulod si Delfin kag nagpanago bangud gina-alegar ginalagas ini sang iya himata.
Sa sobra sini nga panago, nasalapay kag nagkalahulog ang mga bote sang ilimnon nga nakadisplay kun sa diin nagabalor tanan sang P6,521 rason nga ginpakamaayo ni Baes nga ireklamo ang ang suspek.
Sa karon, nagapabilin sa kostudiya sang kapulisan si Delfin para sa nagakaigo nga disposisyon. | KMD Gicalde