Gin deklara nga persona non-grata si Mr. Carlo Asturias matapos maghimo it pakikipag pueong ru Aklan Media Integrated Alliance (AMIA).
Base sa resolution No.03, series of 2022, pumerma ru mga founding members it Aklan Media Integrated Alliance (AMIA) sa nasambit nga resolution.
Raya hay sangka disciplinary action nga naga himo it pag samad sa reputasyon ag respeto sa mass media practitioners.
Sa hook up it pilang ka mga radio station, nagpahayag nga ru pagdeklara it Persona non-grata sa kapareho nga media hay kauna-unahang natabo sa Aklan.
Indi eon maponggan dahil uwa gina toliraha kapin gid ru mga nabiktima hay mga tawong kubos nga naga pangayo it bulig.
Uwa sigun gina pasugti ru tawo nga maga guba sa media industry ag maduea-an it integridad rason ru nasambit nga organisasyon hay nag himo it action.
Samtang, nagklaro man si Station Manager Joemer Soriano it BRIGADA News FM Kalibo nga uwa it connection si Carlo Asturias sa RADYO BIRADA matapos gamiton ru logo.
Sa makaron, ru Aklan Media hay maga bilog sa pag pasaka it kaso para mabuligan ru gin loko ni Asturias apang mas kinahangena nga maga pasaka man it kaso ru mga nabiktima.//MARIVIC Y. ILIN