Base sa pahayag it Commision on Human Rights 6, uwa sanda it nabaton nga mga reklamo o bisan ano man nga mga request para imbestigahan ro natabo nga military operation sa Barangay Alimodias, Miag ao, Iloilo nga ginkamatay it 16 ka mga NPA members.
Pero gin-amin ni CHR6 Director Atty. Jonnie Dabuco nga nakabaton sanda it direktiba halin sa andang central office nga i-check ro nasambitan nga insidente.
Base pa sa kumpirmasyon ni Atty. Dabuco, presente nga nakipagkoordinasyon sa Philippine National Police ag Philippine Army agud mag-ngayo it reports kaangut sa military operation.
Haom man ro CHR6 nga imbestigahan ro ginhimo nga preemptive attack enkaso nga makabaton ro teatapan it reklamo./JIL B. LACSON