Naeuwas ro sangka eaeaki matapos tatlong adlaw raya nga naga-eutaw sa Sulu Sea.
Si Rolito Casidsid hay nakit-an nga isaeahanon sakay it bangka nga “Honey” sa kadagatan it Cocoro Island, Magsaysay, Palawan ku Disyembre 7.
Sambilog ka trahedya ro nagpatay sa anang tatlo ka mga kaibahan nga ginkilaea nga kanday Juden Matore, Luis Guyo, ag Mary Jane Matore Cezar.
Base sa kumpirmasyon ni Casidsid, nagbiyahe sanda halin sa Boracay ku Disyembre 4 para magbakasyon kunta sa Looc, Romblon.
Gindagsa it mabahoe nga mga baeod ro andang maisot nga bangka halin sa Hambil Island ag Yapak, 50 metro eamang sa bibe it dagat.
Base pa sa anang pahayag nana, gin-anod sanda it mabahoe nga baeod paagto sa Semirara Island sa Caluya, Antique ku dominggo bangud sa amihan.
Ag sa main nga paead, namatay ro tanan nga kaibahan ni Casidsid bangud sa uhaw ag gutom sa dagat.
Nakit-an eamang si Casidsid it mga manugpanguisda alas-7:30 eun it kaaganhon it Disyembre 7.
Bangud dikara mabahoe ro pagpasaeamat ni Casidsid sa mga manugpangisda sa Cocoro Island sa pag-euwas kana./JIL B. LACSON