Hugot gihimikak ni Jefrey Tupas, labaw sa City Information Office nga lakip siya nadakpan sa otoridad sa anti-illigal drug operation didto sa Mabini Davao de Oro sa miaging Sabado.
Sa pahayag nga gipagawas ni Tupas, giangkon niini nga anaa siya sa gipahigayong party sa usa ka resort sa Brgy. Pindasan tungod sa imbitasyon.
Apan giklaro usab niini nga una siyang nihawa sa venue human sa panihapon kuyog ang iyang boyfriend ug laing higala busa wala siya nalakip sa mga naaresto.
Kahinumduman nga anaa sa 17 ka indibidwal gikan sa prominenteng pamilya ang nadakpan sa PDEA-XI, NBI-SEMRO ug MAbini PNP sa operasyon nga nagresulta sa pagkarekober sa P1.5M kantidad sa droga.
Anaa usab sa 14 gikan sa 17 ang nagpositibo sa ecstasy, shabu ug marijuana subay sa resulta sa ilang drug test. BNFM-Davao