Nagpositibo sa paggamit og iligal nga droga ang 14 sa 17 ka nadakpang mga party goers sa usa ka beach resort atol sa buy bust operation sa Barangay Pindasan, Mabini, Davao de Oro, human nigawas ang inisyal nga resulta sa ilang drug laboratory test.
Kini ang gikumpirma ni Philippine Drug Enforcement Agency (PDEA) XI Regional Director Aileen Lovitos, nasutang nagpositibo sa ecstacy, shabu ug marijuana ang mga nahisgutan hinungdan nga gipasakaan na og kasong pagsupak sa Sec. 5, 6, 7, 13 ug 14 sa RA 9165.
Dugang pa nga sagad sa mga suspek ang gikan sa prominenteng pamilya sa syudad ug mga young profesionals.
Kahinumdoman nga kaniadtong adlaw’ng sabado, malampusong nasikop ang target sa buy bust operation nga si Revsan Ethelbert Papay Elizalde, 33 anyos ug residente sa Catalunan Pequeño, Davao City lakip ang 16 ka mga kaubanan niini nga giila nga sila Paolo Guerero, Jomark Aping, Ariel Bueno, Edel Caballero, Ronald Chuan, Fritz Dinopol, Tom Jhun Doblas, Mark Christopher Isip, Janlord Masong, Christopher Prudente, Jesus Ragas III, Giovanni Tabanao ,Jason Viduya Eana Faye Marie Olea, Bryk Jiordan Archival ug Kurk Bryan Tiubot.
Una ng gilusad ang operasyon human nga napalitan sa nagpaka aron ingnong posuer buyer ang usa sailang kauban og pakete sa gituohang shabu ug tungod niini gipanid-an na ang mga party goers ug nakuhaan og nagkadaiyang matang sa shabu nga mibalor og 1.5 milyon pesos.
Sa karon, gikustodiya na ang mga nahisgutan sa NBI Davao. BNFM-Davao