GIKUMPERMA mismo ni City Administrator Shandee Llido Pestaño nga pagahulipan na siya ni Atty. Franklin Gacal Jr. ug nagahulat nalang kini sa papelis sa appointment ni Gacal.
Sa paghinabi sa Brigada News Team kay Pestaño gisulti niini nga tinuod ang mga impormasyon nga nigawas sa media nga siya hulipan na.
Gidugang niini nga management call ang hukom sa paghulip kaniya ug nalipay na kini sa iyang natampo sa syudad alang sa kalamboan, wala usab daw siyay nahimo nga anomalya sa tunga sa tuig isip City Administrator.
Samtang ang labaw sa komitiba sa appointment sa Konseho nga si Konsehal Elizabeth Bagonoc nagmahayag nga over qualified kayo si Gacal gumikan luwas nga kini usa ka abogado, nahimo na kini nga administrador sa panahon ni kanhi Mayor ug kasamtangan nga Vice Mayor Rosalita Nuñez apan magdependi unya sa konseho ang hukom sa concurrence ni Gacal, wala pa hinuon silay nadawat nga papelis sa appointment niini. I Ver Diazon