DUHA ka adlaw ang nilabay human gipangpusil ang duha ka ex-convict sa barangay apopong, laing indibidwal na usab ang nahimong patay sa pagpamusil sa Barangay Calumpang Gensan patay ang usa ka sikad driver human sa nahitabong pagpamusil pasado alas 9 ang takna sa buntag sa Purok Emiliana, Barangay Calumpang, Gensan Hunyo 30.
Giila ang biktima nga si More Gabayan Penton, 35-anyos nga residente sa Purok Mudia, Barangay Labangal, Gensan. Sumala pa sa mga saksi sa moang insidente nga samtang gamaneho ang biktima sa iyang trisikad kuyog ang iyang kapuyo, kalit matud pang mipatimaw ang duha ka suspek sakay sa usa ka motorsiklo ug gipusil ang biktima kapila ka higayon.
Samtang gibutyag sa usa sa mga residente sa maong lugar nga sa dihang nakadungog kini og buto sa pusil may mga bala matud pang nilagapok sa ilang atup.
Sumala pa impormasyong nakuha sa purok chairman sa moang lugar nga gikan matud pa namalit kosumo ang biktima kauban ang kapuyo niini tungod takda nang mupalawod isip usa usab ka mananagat.
Sa kasamtangan padayon pang gisuta sa mga sakop sa Police Station No. 10 ang background sa biktima, ilhanan sa mga suspek ug ang posibleng motibo sa maong krimen. I MJ Fernandez
–