ANDAM na ang Commission on Election (Comelec) 12 sa kickoff o unang adlaw sa election campaign alang sa national candidate karong adlawa Pebrero 8. Matud ni Atty. Renato Magbutay, director sa Comelec-12 nagkasabot na sila sa kapulisan ug kasundalohan sa han-ay sa seguridad.
Ugaling dunay motorcade o proclamation rallies nga himoon ang mga presidential aspirtant sa. Nakig-alayon na usab sila sa lokal nga panggamhanan alang sa pagkontrola sa motambong nga motawo. Kung naa sa open space naa sa 50% sa crowd ang gitugotan samtang sa closed venue naa sa 30% capacity ang gitugotan.
Kini dungan sa pagpailawom sa Malakanyang sa halos tanang dapit sa rehiyon-12 sa alert level 3 tungod sa pagsaka sa kaso sa Covid-19. Gihingusgan ni Magbutay nga angayang sundon sa tanan ang gikalatag nga health protocols aron pugngan ang pagkatag sa virus. Susama usab ang hugot nga seguridad batok sa Covid-19 ang ipatuman sa komisyon sa pagsugod sunod bulan sa local campaign. I Richel Gubalani