Nagka ariglo na ang driver sa Hyundai kona ug personahe sa kompanya sa Batchelor Express Incorporated human sa nahitabong panag sungag niadtong naka labayng adlaw alas 2:10 ang takna sa hapon diha sa may National Highway Purok Israel brgy Sta. Maria Trento, Agusan del Sur.
Sa inisyal nga imbistigasyon gikan sa Trento MPS nagalawig padulong sa Bislig nga bahin ang Batchelor Express nga gimanihoan ni Cruz Bolotaolo Daig 43-anyos minyo driver nga residente sa may P-4 Lagab Compostela Davao De Oro.
Sumala pa sa maong driver sa Bus samtang naga maniho kini kalit na lamang misugat kaniya sa korbada nga bahin sa nahisgutang lugar nga mikawat sa iyang linya ang usa ka hyundai kona nga color puti nga naka rehestro sa pangalang Regino R. Mancia gimanihoan ni Nonabelle Dalman Ambuan 26-anyos single usa ka Finance Officer nga nanimuyo sa may FDV 1 San Roque Bislig City Surigao del Sur.
Aminado usab ang driver sa hyundai kona nga wala na niya na control ang manobila sa iyang sakyanan hinungdan nga mibangga kini sa Bumper sa Batchelor bus rason nga naka angkon pareho ug damyos ang duruha ka mga sakyanan, hinungdan nga nag patala sa buhatan sa Trento MPS aron sa pag sitol sa disgrasya nga wala damha nga ilang na angkon. Aminado usab ang driver sa hyundai kona nga sagubangon ang damyos sa maong Bus sama sa ilang nasabutan sa maong buhatan mahitungod sa maong insidente.
