DUNGAN sa nagkaduol nga Barangay ug Sangguniang Kabataan Elections (BSKE) mas hugot nga gipatuman karon sa GenSan ang mga Commission on Elections (Comelec) checkpoint.
Isip pagpangandam sa taliabot BSKE, mas laoman pa ang hugot nga pagpatuman sa mga checkpoints sa mga nag-unang kadalanan sa labi na sa mga boundery.
Udto pa lang nakalatag na ang checkpoint sa General Santos City Police sa utlanan sa Barangay Buayan, GenSan ug Alabel Sarangani Province. Lapad ang dalan, hinungdan nga naglatag na ang kapulisan og mga tarpaulin, asa gi-isa isa nila ang mga moagi nga motorista ug gisuta kung sila ang dunay rehistro sa ginagamit nga sakyanan.
Samtang pabor sa mga motorista ang gihimong pagpahugot sa checkpoint sa kapulisan, asoy ni Jemar Sandigan. Natanggong man kadali sa padulong sa iyang destinasyon, pabor alang sa usa pa ka motorista ang pagpatuman sa checkpoint.
Padayon ang pakig-alayon sa kapulisan sa Comelec aron makasigurado sumala pa sa gipatuman nga seguridad partikular na sa mismong adlaw sa eleksyon sa Oktubre 30. Dugang ni Olaivar Jr., gibutang nila ang mga checkpoint sa mga strategic sa GenSan. I Richel Gubalani